Reglulega hefur kynjavinkillinn í tengslum við umhverfi barna verið skoðaður með því að gera formlegar og óformlegar úttektir, t.d. á unglingabókum, tölvuleikjum, bíómyndum, leikföngum, o.s.frv. Það er langt frá því að vera séríslenskt fyrirbæri og verður í dag sjónum beint til Frakklands.
Um þessi mál og önnur, bloggar Brigitte Laloupe undir nafninu Olympe. Hún bloggar aðallega um femínísk málefni og hefur gefið út bók um svipað efni. Færslan er birt með leyfi höfundar og þýdd af Guðrúnu C. Emilsdóttur. Hún birtist fyrst 29. janúar 2014.
Í marga daga hélt ég að plakötin frá La Manif pour tous (Mótmæli fyrir alla) væru falsanir til að gera lítið úr hreyfingunni. Svo var ekki – eins ótrúlegt að það kann að virðast voru þau í raun og veru birt á vefsíðu þeirra. Til dæmis þetta plakat:
Ekki snerta við staðalímyndum okkar um kynin!
Þar sem ég þufti nýlega að fara í FNAC-búðina (tónlistar- og bókaverslunarkeðja) notaði ég tækifærið og kíkti á barnabókadeildina. Ég hafði ekki mikinn tíma og gluggaði því aðeins í þær bækur sem voru á hilluborðunum. Það eru eimitt þær bækur sem teknar eru sérstaklega fram til sýnis af seljendum.
Mikið var af fallegu dóti, en ég get hughreyst La Manif pour tous – staðalímyndirnar lifa enn góðu lífi.
Ég skoðaði sérstaklega stöðuna varðandi prinsessur og riddara. Það er efni sem finnst í aragrúa verka.
Ég setti til hliðar karl- og kvenhetjur Disney-veldisins sem allir þekkja, og veitti öðrum verkum meiri athygli.
Þetta gerir prinsessa:
Hún lyftir höndum til himins.
Og hér lyftir hún lika höndum.
Og hér.
Og hér er önnur prinsessa sem lyftir höndum til himins.
Hún setur hendurnar fyrir andlitið.
Hún spennir greipar.
Og hér spennir hún líka greipar.
Hún kyssir og knúsar.
Mússímúss.
Koss koss koss.
Hún horfir út, ef hún mögulega getur, frá kastalaturninum sínum, þaðan sem hún fer aldrei út.
Nema hún sitji stríðsfák (athugið að hún er á leiðinni yfir í annan kastalaturn).
Og þar sem þetta allt saman er ekki svo átakamikið, þá reynir hún að hafa nóg að sýsla.
Eftir allt saman velti ég því fyrir mér hvort það hafi ekki verið betra áður fyrr?
Á meðan er líf riddarans erilsamt:
Jafnvel þegar hann er sýndur á kaldhæðnislegan hátt, tekst hann á við hættur, ferðast um heiminn og lærir að breyta honum og stýra.
Þarna tekst hann á við illvígt naut og dreka.
Hættulegt síki?
