Perravaktin

**TW/VV**

Í skjóli nafnleysis þrífst margt á netinu sem er réttlætt með tjáningarfrelsi. Þar á meðal eru svonefndar chan-síður, sem öðru hverju hafa orðið umfjöllunarefni fjölmiðla og kæruefni hjá lögreglu, sem virðist lítið geta gert þar sem viðkomandi síður eru vistaðar erlendis. Mörgum blöskrar þetta úrræðaleysi og sumir ákveða að snúa vörn í sókn. Þar á meðal er hópurinn sem stendur að baki þessari yfirlýsingu, sem hér er birt óbreytt:

Perravaktin er vefsíða tileinkuð þeim sem hafa orðið fyrir barðinu á ömurlegum perrum. Þetta er staðurinn til að koma upp um þá, til að sýna heiminum skömm þeirra. Perravaktin einbeitir sér aðallega að hefndarklámi og því að koma upp um þau sem deila því og dreifa.

Það er ekkert leyndarmál að ógeð eru allsstaðar á internetinu. En til er ógeð sem beinist sérstaklega gegn konum, fyrir það eitt að vera konur. Hefndarklám er ágætlega vel þekkt fyrirbæri, en að sama skapi virðist fólk lítið vilja taka á því, hvað þá tala um það. Lögreglan er gagnslaus í þeim málum, svona eins og í öðrum kynferðisafbrotamálum.

Síður hafa komið upp í gegnum tíðina þar sem íslenskir perrar koma saman til að deila myndum af oft barnungum stúlkum sem þær hafa tekið af sér, eða aðrir tekið af þeim. Hvernig aðstæðurnar voru við tökurnar á myndunum eða til hverra stúlkurnar sendu þær skiptir nákvæmlega engu máli. Það sem skiptir máli að einhverjum ógeðum fannst allt í lagi að grípa þessar myndir og deila þeim sín á milli. Brotið er á trausti þessarra kvenna og kynfrelsi. Bara samræðurnar á þessum síðum eru viðbjóðslegar og sýna skýrt álit þessarra manna á kvenkyninu.

Perravaktin varð að veruleika eftir uppgötvun síðu sem virðist hafa það eitt að markmiði að óska eftir og deila myndum af íslenskum konum, eða börnum, því í mörgum tilfellum er verið að falast eftir myndum af stúlkum undir 18 ára. Það þarf ekki langan tíma á þessari síðu til að verða viti sínu fjær af bræði, en eftir litla leit sér maður að sumir eru ekki bara ógeð, þeir eru líka heimsk ógeð. Það eru nefnilega margir sem deila notendanöfnum á t.d. skype og snapchat, og jafnvel setja inn tölvupóstföng til að fá rúnkefnið sem hraðast, og þótt eitthvað leiðir á blindgötur eru mörg sem eru raunveruleg og innihalda raunverulegar upplýsingar um fólk. Nöfn t.d. Eitthvað af þessu er auðkennanlegt fólki sem kannast við þessa menn og hefur átt við þá samskipti, og vonin er að einhver sé tilbúin að benda á gerandann með þessar upplýsingar að vopni.

Það er ömurlegt að þetta fólk geti ávallt komist upp með verknaðinn, án þess að nokkurn tíma þurfa að standa frammi fyrir afleiðingum gjörða sinna. Margar svona síður hafa komið upp í gegnum tíðina (t.d. Ringulreið og Slembingur), og eina ráðið virðist vera að loka síðunum eða fylla þær af einhverju (flooda). Það hefur enginn verið viljugur til að benda á gerendur og upplýsa hverjir þeir eru, og lögreglan virðist ekkert vera á hraðferð til að taka á þessu. Allir vita að skömmun er góð forvörn. Það á ekki að þurfa að kenna stúlkum að taka ekki myndir af sér, það þarf að kenna fólki að deila þeim ekki á alnetið í óleyfi.

Hægt er að senda Perravaktinni efni, spurningar eða upplýsingar í gegnum perravaktin.tumblr.com, eða senda tölvupóst til perravaktin@gmail.com. Þú getur sent inn nafnlaust, og Perravaktin lofar fullum trúnaði. Það er nefnilega oft þannig að þolendur vilja ekki endilega koma fram strax, en það þýðir ekki að gerandi getur ekki fengið að finna fyrir fullum krafti skammarinnar strax. Af tillitssemi við þolendur verða heldur ekki birtar hér slóðir á svona síður.“

Höfundar óska nafnleyndar

Auglýsingar

2 athugasemdir við “Perravaktin

  1. Bakvísun: Huldumaður setur upp Perravaktina - Nútíminn

  2. Bakvísun: Hefndarklám og perravakt | *knúz*

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s