Stígamót vekja athygli á aukinni þjónustu fyrir karlkyns brotaþola kynferðisofbeldis

hvad-gerdist-mynd

Fréttatilkynning:

Hjálmar Sigmarsson, ráðgjafi hjá Stígamótum, verður á vaktinni alla mánudaga á netspjalli Stígamóta frá kl. 13:00-18:00. Bjóðum við karla sérstaklega velkomna í netspjallið. Það er einfalt og öruggt í notkun, fullum trúnaði er heitið og ekki þarf að koma fram undir nafni. Í gegnum netspjallið er hægt að ræða við ráðgjafa um næstu skref og fá nánari upplýsingar um þá þjónustu sem er í boði hjá Stígamótum. Netspjallið er að finna á forsíðu http://www.stigamot.is.
Á hverju ári koma um 50-100 karlar í viðtöl hjá Stígamótum vegna kynferðisofbeldis sem þeir urðu fyrir í æsku eða á fullorðinsárum. Það er Stígamótum mikilvægt að karlkyns brotaþolar upplifi sig velkomna og að öllum sé ljóst að karlar og strákar geti orðið fyrir kynferðisofbeldi. Karlar leita sér síður hjálpar vegna afleiðinga kynferðisofbeldis en konur og margir hafa aldrei rætt þessi mál. Þetta skýrist ekki síst af samfélagslegum skilaboðum til karla um að þeir eigi að harka af sér, vera sterkir og standa sig. Það hefur hins vegar sýnt sig að þegar karlar leita sér hjálpar hjá Stígamótum þá verða þeir ánægðari með sjálfa sig, komast í betra tilfinningalegt jafnvægi og eiga betri tengsl við maka, börn og fjölskyldu. Afleiðingar kynferðisofbeldis eru ekki síður alvarlegar fyrir karla og þeir eru hjartanlega velkomnir á Stígamót.

Netspjall Stígamóta fyrir karlkyns þolendur
Alla mánudaga kl. 13:00 – 18:00
Nánari upplýsingar um þjónustu fyrir karlkyns brotaþola er hægt að fá hjá Stígamótum í síma 562-6868.

 

Mynd er frá Stígamótum.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s