Femínisminn í Íran

Arnheiður Björnsdóttir skrifar:

Finna má femínisma í Íran sem afleiðingu af nútímasamfélagi, en þó í öðru ljósi en í vestrænum samfélögum. Þar sem að orðið „femínisti“gæti komið fólki í vandræði eftir því hvaða ríkisstjórn er við völd, er hugtakið kvenréttindasinni notað í Íran.
Það eru nokkrar tegundir af femínistum og femínisma í Íran: Fyrst er vestræni veraldlegi femínistinn sem er í minnihluta og meirihluti þeirra aðgerðarsinna hefur annaðhvort flúið land eða verið fangelsaður.
Annar hópur kvenréttindasinna, sem forðast að kalla sig femínista eru annaðhvort íslamskir femínistar eða femínistar sem eru múslimar. Mikilvægt er að átta sig á mismuninum á þessum hópum, en hann er sá að íslamskir femínistar starfa fyrir yfirvöldin í landinu, eða tengjast þeim á einhvern hátt. Íslamstrúin tekur það mög skýrt fram að allir séu jafnir. Hugmyndafræði þessa hóps íranskra femínista byggist á að prédika sanngirni, réttlæti og óhlutdrægni. Þar af leiðandi frá þeirra sjónarhorni eru öll kyn jöfn, en eru líkamlega ekki eins byggð, og því skuli þeir sterkbyggðari hafa meiri ábyrgð og með meiri ábyrgð fylgja meiri réttindi og því ættu kynin ekki að hafa sömu réttindi.Og með meiri ábyrgð fylgja meiri réttindi. Þessi hópur réttlætir ójöfn réttindi með því að segja að jafnrétti væri í raun ekki í þágu kvenna.
Þriðji hópurinn er svo femínistar sem eru múslimar sem trúa á jafnrétti ásamt því að trúa á íslam og láta femínisma passa inn í þeirra hugmyndafræði og túlka trúarbrögðin í nýju ljósi, á þessum nýju tímum sem við lifum á.
Lögin um íslamska stjórn í Íran hafa komið á ójöfnuði á næstum öllum sviðum og stigum. Íslamska stjórnin stuðlar að, og framfylgir ójöfnuði í fjölmiðlum og menntakerfinu. Samfélagið hefur því þessa stóru gjá á milli kynja, og bæði karlar og konur leggja sitt af mörkum til að halda þessu ástandi við. Margir hafa ekkert annað val en að standa bara á hliðarlínunni og fylgjast með sameiginlegum ójöfnum hefðum, og börn eru alin upp með þeirri hugmynd að konur skuli vera algerlega háðar karlkyns fjölskyldumeðlimum sínum. Femínismi er talin til öfgahreyfingar af mörgum og samfélag femínista er fámennt.
Tahmineh Milani og Masih Alinejad eru opinberir íranskir femínistar. Milani er leikstjóri og hefur leikstýrtm kvikmyndum sem brjóta upp hefðbundna ímynd íranskra kvenna. Hún hefur hlotið ákæru á hendur sér og verið ásökuð um að vera andstæðingur írönsku byltingarinnar vegna kvikmynda sinna. Alinejad er rithöfundur og blaðamaður og stóð fyrir hreyfingunni „My Stealthy Freedom“. Alinejad opnaði facebook síðu sem hvetur íranskar konur til að birta myndir af sér án hijab. Hér má finna síðuna.

 

 

 

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s